म्याऊ मुलुक, म्यारू गौं
मन म बस्यु त्यारू नौं ll
डाल्यों की च यख ठंडी छैल
निशछल दगड़ियों कु गैल ll
पुंगुडों म उधम मच्याण
हंसदा खेलदा दिन बिताण ll
धारा म कु ठंडू पाणी
सैंती करी खांडी कमाणीं ll
होंदू कभी ज्यू क्वै तै ज्वार ll
धूली लगांदन देबतों की
अर बुलांदन पुज्यार ll
सीदा सादा म्यारा गौं
का लोग ll
हरियाली म रै की सब्बी
छन निरोग ll
जब गौं म क्वी पौंडा आंदू
सैरया र्गौं कु अपणू व्यूह हव्वै जांदू ll
ब्यौ बरती कु जब दिन लगांदन
धांणी म सब हथ बटादन ll
यख्ख गौडी भी पूज्ये जांदी
रोट्टी पैली चूल्ले की व्ही खांदी ll
देबता भि बसयां छिन
म्यारा गौं ll
देवभूमि च यख्खी कु नौ ll
चार धाम यख्यी बस्याण
मन तै लुभांदु देबतों कु मंडाण ll
याद म यैकी जुकडी झुरयांद
आँखी म्यारा गौं तै
अब भी खुजयांद ll
